~~META:
title = Артур Вольскі — Дзіўны дзед
&keywords = дзед, машыну, правоў
&abstract = Чытаць верш Артура Вольскага "Дзіўны дзед"
&iftrue = nan
~~

====== Артур Вольскі — Дзіўны дзед ======
А ці байка,\\
а ці быль –\\
дзед набыў\\
аўтамабіль.\\
Хоць няма ў яго\\
правоў,\\
рухавік уміг завёў.\\
Круціць руль\\
адважны дзед –\\
толькі пыл\\
курыцца ўслед.\\
Толькі ш-шыны –\\
ш-шу-шу-шу –\\
вылятаюць на ш-ша-шу.\\
І папёр-р-р\\
матор-р-р,\\
папёр-р-р\\
на чырвоны святлафор.\\
Раптам міліцыянер –\\
цоп дзядулю\\
за каўнер:\\
– На сваім аўтамабілі\\
шмат бяды вы б нарабілі!\\
Дзе правы?\\
Няма правоў?\\
Пешкі пойдзеце дамоў!..\\
Дзед машыну –\\
на шнурок\\
ды дадому павалок:\\
– Падару сваю машыну\\
ўнуку я –\\
на імяніны!..

 


===== Падобныя старонкі =====
  * [[творы/уладзімір-дубоўка/уладзімір-дубоўка-пра-дзеда-і-ўнука]]
  * [[творы/павел-місько/павел-місько-як-дзеда-дзялілі]]
  * [[творы/васіль-зуёнак/васіль-зуёнак-ехаў-дзед-дадому]]
  * [[творы/васіль-вітка/васіль-вітка-казкі-дзеда-васіля]]
  * [[творы/уладзіслаў-галубок/уладзіслаў-галубок-забытая-хатка]]