~~META:
title = Артур Вольскі — Грыбы
&keywords = грыбок, грыбочкі
&abstract = Чытаць верш Артура Вольскага "Грыбы"
&iftrue = nan
~~

====== Артур Вольскі — Грыбы ======
З моху выгнуўся гарбок.\\
А пад ім сядзіць грыбок.\\
\\
Гэй, грыбок баравы!\\
Не хавай галавы.\\
Паблукаю па бару –\\
усе грыбочкі пабяру!\\
\\
А сінічка:\\
– Цінь-цінь,\\
і для іншых\\
кінь-кінь!\\
\\
Будзе ўсю зіму вавёрка\\
без грыбочкаў плакаць горка.\\
\\
Слёзы – градам з вачанят:\\
– Чым карміць ваверчанят?!\\
\\
Я схаваў адразу ножык.\\
У мяне – паўнюткі кошык.\\
\\
Лепш парадую вавёрку\\
і грыбоў пакіну горку\\
на пянёчку ля сасны,\\
каб хапіла да вясны...\\
\\
Эх, і смачныя грыбочкі –\\
проста з лесу, а не з бочкі!

 


===== Падобныя старонкі =====
  * [[творы/станіслаў-шушкевіч/станіслаў-шушкевіч-знатныя-лісічкі]]
  * [[творы/рыгор-ігнаценка/рыгор-ігнаценка-незвычайны-грыбнік]]
  * [[ibdc.ped>баравікі-ў-хусцінках]]
  * [[ibdc.ped>цёплы-грыб]]
  * [[ibdc.ped>баравічкі-4207]]