~~META:
title = Артур Вольскі — Беларусь
&keywords = небам, свету, хараство
&abstract = Чытаць верш Артура Вольскага "Беларусь"
&iftrue = nan
~~

====== Артур Вольскі — Беларусь ======
То ялінкі, то сасонкі\\
падпіраюць небакрай...\\
Прыгажэйшае старонкі\\
не знайсці, як ні шукай.\\
Скачуць сонейка асколкі\\
пасля дожджыку ў вадзе.\\
Весялейшае вясёлкі\\
не пабачыш анідзе.\\
Пахне збожжа свежым хлебам.\\
Сыпле золата жніво.\\
Жаўрукі звіняць пад небам –\\
славяць свету хараство.\\
На бярозе – белы бусел.\\
Пад бярозаю – ручай.\\
А завецца Беларуссю\\
непаўторны родны край.

 


===== Падобныя старонкі =====
  * [[творы/артур-вольскі/артур-вольскі-пагоня]]
  * [[творы/артур-вольскі/артур-вольскі-вожык-дзівачок]]
  * [[творы/віталь-вольскі/віталь-вольскі-несцерка]]
  * [[постаці/віталь-вольскі]]
  * [[постаці/артур-вольскі]]