~~META:
title = Аркадзь Куляшоў — Я хаце абавязаны прапіскаю...
&keywords = мільярд, матчын, абавязан
&abstract = Чытаць верш Аркадзя Куляшова "Я хаце абавязаны прапіскаю..."
&iftrue = nan
~~

====== Аркадзь Куляшоў — Я хаце абавязаны прапіскаю... ======
Я хаце абавязаны прапіскаю –\\
Калыскаю, падвешанай пад столь.\\
Я маці абавязан кожнай рыскаю,\\
Драўлянай лыжкаю, глінянай міскаю –\\
Усім, чым працы абавязан стол.\\
\\
Я – матчын спеў, я – матчыны трывогі,\\
Я – матчын гнеў, які ўставаў на ногі,\\
Гнаў смерць на Захад – у нару з нары –\\
Трацілаваю пугай перамогі.\\
Дыміліся сямі франтоў дарогі\\
За мной, як дынамітныя шнуры.\\
\\
Пазбавіўшы ад грознага відовішча\\
Свет, не дазволю я, каб дым і пыл\\
Зямлю ператварыў у бамбасховішча,\\
Мільярд прапісак – у маўклівы прысак,\\
Мільярд калысак – у мільярд магіл.

 


===== Падобныя старонкі =====
  * [[творы/аркадзь-куляшоў/аркадзь-куляшоў-балада-аб-чатырох-заложн]]
  * [[творы/аркадзь-куляшоў/аркадзь-куляшоў-варшаўскі-шлях]]
  * [[творы/аркадзь-куляшоў/паэзія-аркадзя-куляшова-яе-тэматыка-грам]]
  * [[творы/аркадзь-куляшоў/аркадзь-куляшоў-xамуціус]]
  * [[постаці/аркадзь-куляшоў]]