~~META:
title = Аркадзь Куляшоў — На паўмільярдным кіламетры
&keywords = шлях, кіламетры, жыцця, паўмільярдным
&abstract = Чытаць верш Аркадзя Куляшова "На паўмільярдным кіламетры"
&iftrue = nan
~~

====== Аркадзь Куляшоў — На паўмільярдным кіламетры ======
Жыццё маё на хуткасць гуку\\
Памнож і множанне правер.\\
Вось ты і адкажы, навука,\\
Адкуль вяртаецца цяпер\\
\\
Лясной вяшчунні кукаванне,\\
Што, абудзіўшы першы сон,\\
Калісь пазвала ў вандраванне\\
Мяне на многа тысяч дзён?\\
\\
Зайшоўшы ў векавыя нетры,\\
Стаю, зачараваны ім,\\
На паўмільярдным кіламетры,\\
Паміж наступным і былым.\\
\\
Пакліч – былое адгукнецца\\
Жалейкаю за хваіной;\\
Скраніся – і важкой хадой\\
Наступнае ў паход кранецца.\\
\\
Пяройдзе шлях у новы шлях,\\
Расстанне – ў новае спатканне,\\
Напеў жалейкі – ў труб гучанне,\\
Выток жыцця – ў жыцця працяг.\\
\\
1961

 


===== Падобныя старонкі =====
  * [[постаці/аркадзь-куляшоў]]
  * [[творы/аркадзь-куляшоў/аркадзь-куляшоў-варшаўскі-шлях]]
  * [[творы/аркадзь-куляшоў/аркадзь-куляшоў-xамуціус]]
  * [[творы/аркадзь-куляшоў/паэзія-аркадзя-куляшова-яе-тэматыка-грам]]
  * [[творы/аркадзь-куляшоў/аркадзь-куляшоў-балада-аб-чатырох-заложн]]