~~META:
title = Аркадзь Куляшоў — Адвечны час з нябачных нам дарог...
&keywords = тваіх, засведчыць, справай, словам
&abstract = Чытаць верш Аркадзя Куляшова "Адвечны час з нябачных нам дарог..."
&iftrue = nan
~~

====== Аркадзь Куляшоў — Адвечны час з нябачных нам дарог... ======
Адвечны час з нябачных нам дарог\\
Глядзіць на нас, нібы на муравейнік:\\
Вось-вось, здаецца, возьме ў рукі венік\\
I вымеце, як смецце, за парог.\\
\\
Скажы мне, час, а чый дасціпны розум\\
Тады сякерай грымне ў цішыні\\
Тваіх лясоў і, па кругах на пні,\\
Гады палічыць соснам і бярозам?\\
\\
Тваіх стагоддзяў цёмныя сляды\\
Хто адаб'е на камені суровым?\\
Хто сцвердзіць справай і засведчыць словам,\\
Што ў свеце існуеш ты сапраўды?\\
\\
Не ўладаром сваёй бязлюднай эры\\
Хадзіць ты будзеш, а сляпым старцом,\\
Пакуль для пушчаў, песень і сякеры\\
Мы новым не адродзімся жыццём.

 


===== Падобныя старонкі =====
  * [[творы/аркадзь-куляшоў/аркадзь-куляшоў-варшаўскі-шлях]]
  * [[творы/аркадзь-куляшоў/аркадзь-куляшоў-xамуціус]]
  * [[постаці/аркадзь-куляшоў]]
  * [[творы/аркадзь-куляшоў/аркадзь-куляшоў-балада-аб-чатырох-заложн]]
  * [[творы/аркадзь-куляшоў/паэзія-аркадзя-куляшова-яе-тэматыка-грам]]