~~META:
title = Анатоль Грачанікаў — Як ападае ліст...
&keywords = ападае, восені
&abstract = Верш Анатоля Грачанікава "Як ападае ліст..."
&iftrue = nan
~~

====== Анатоль Грачанікаў — Як ападае ліст... ======
Як ападае ліст, як ападае...\\
Нібы дазволу ў восені пытае.\\
\\
Бывай, галінка гнуткая, бывай!\\
Няхай цяпер цябе галубіць вецер,\\
Салодка закалыхвае пад вечар\\
І будзіць на зары цябе няхай.\\
Хіба табе, пажоўклы, я раўня?\\
З табою развітацца мне не сорам,\\
Як з небам – ціхім пераспелым зорам\\
Перад прыходам маладога дня.\\
Бывайце, сонца, поле і таполя!\\
Мне час заснуць у восені ў прыполе...\\
\\
1969\\


 


===== Падобныя старонкі =====
  * [[творы/анатоль-грачанікаў/анатоль-грачанікаў-не-трэба-жыць-як-набя]]
  * [[творы/уладзімір-караткевіч/уладзімір-караткевіч-лісце]]
  * [[творы/еўдакія-лось/еўдакія-лось-мінулагодні-ліст]]
  * [[творы/анатоль-грачанікаў/анатоль-грачанікаў-сон]]
  * [[творы/аркадзь-куляшоў/аркадзь-куляшоў-ліст-з-палону]]