~~META:
title = Анатоль Грачанікаў — Планета дзяцей
&keywords = дзяцей, шчаслівых, планетай, цудоўнай, людзей, планета, свеце
&abstract = Верш Анатоля Грачанікава "Планета дзяцей"
&iftrue = nan
~~

====== Анатоль Грачанікаў — Планета дзяцей ======
Так на свеце ўжо вядзецца,\\
Што дзяцінства нам даецца,\\
У жыцці даецца раз.\\
Гэта самы светлы час.\\
\\
Хай жа стане\\
Планета людзей\\
Цудоўнай планетай\\
Шчаслівых дзяцей!\\
\\
Каб сабраць на свеце гора\\
Ды схаваць глыбока ў мора,\\
Вось бы весела было,\\
Шчасце ў кожны б дом прыйшло!\\
\\
Хай жа стане\\
Планета людзей\\
Цудоўнай планетай\\
Шчаслівых дзяцей!\\
\\
Каб спыніць на свеце войны,\\
Стаў бы кожны дзень спакойны.\\
Гэта лепшая з надзей\\
І дарослых і дзяцей.\\
\\
Хай жа стане\\
Планета людзей\\
Цудоўнай планетай\\
Шчаслівых дзяцей!

 


===== Падобныя старонкі =====
  * [[творы/эдзі-агняцвет/эдзі-агняцвет-беражы-зямлю-і-неба]]
  * [[творы/максім-танк/творы-максіма-танка-для-дзяцей]]
  * [[ibdc.ped>слухайце-адзін-аднаго]]
  * [[творы/артур-вольскі/артур-вольскі-дзеці]]
  * [[творы/пімен-панчанка/пімен-панчанка-дзеці-вайны]]