~~META:
title = Анатоль Грачанікаў — Не трэба жыць як набяжыць...
&keywords = трэба, жыць
&abstract = Чытаць верш Анатоля Грачанікава "Не трэба жыць як набяжыць..."
&iftrue = nan
~~

====== Анатоль Грачанікаў — Не трэба жыць як набяжыць... ======
Не трэба жыць як набяжыць.\\
Так жыць на свеце трэба,\\
Каб да апошніх дзён любіць\\
Людзей, зямлю і неба.\\
\\
Не падаць у сляпы адчай,\\
Як затрашчаць падпоркі.\\
Знаць, што жыццёвы каравай\\
Бывае часам горкі.\\
\\
Якім ні будзеш малайцом, –\\
Старайся не забыцца,\\
Што лепей плакаць з мудрацом,\\
Чым з дурнем весяліцца.\\
\\
Хто многа вынес на вяку,\\
Загартаваўшы волю,\\
Табе на раны ў час пакут\\
Ён не падсыпле солі.\\
\\
Пад знакам шчасця і бяды\\
Так жыць на свеце трэба,\\
Нічым каб не зняславіў ты\\
Людзей, зямлю і неба.

 


===== Падобныя старонкі =====
  * [[творы/анатоль-грачанікаў/анатоль-грачанікаў-вячэра]]
  * [[творы/анатоль-грачанікаў/анатоль-грачанікаў-сон]]
  * [[творы/анатоль-грачанікаў/анатоль-грачанікаў-зімовы-дзень-звініць]]
  * [[творы/анатоль-грачанікаў/анатоль-грачанікаў-гусак-і-певень]]
  * [[творы/анатоль-грачанікаў/анатоль-грачанікаў-развітанне]]