~~META:
title = Анатоль Грачанікаў — Мова...
&keywords = мова
&abstract = Верш Анатоля Грачанікава "Мова..."
&iftrue = nan
~~

====== Анатоль Грачанікаў — Мова... ======
Мова...\\
Родная мова\\
У марах, у песнях, снах.\\
Мае ў ёй кожнае слова\\
Свой колер, і смак, і пах.\\
Зліваюцца гукі ў словы\\
І ў рэчышчы роднай мовы,\\
Як рэкі ў мора цякуць.\\
І думкі мае плывуць\\
На хвалях і дзён, і начэй\\
Да сэрцаў людскіх і вачэй.

 


===== Падобныя старонкі =====
  * [[слоўнік/літаратурная-мова]]
  * [[слоўнік/мова-мастацкай-літаратуры]]
  * [[слоўнік/аўтарская-мова]]
  * [[слоўнік/вершаваная-мова]]
  * [[слоўнік/няўласна-простая-мова]]