~~META:
title = Анатоль Грачанікаў — Лісты франтавыя
&keywords = ліст, дажыву, мама
&abstract = Чытаць верш Анатоля Грачанікава "Лісты франтавыя"
&iftrue = nan
~~

====== Анатоль Грачанікаў — Лісты франтавыя ======
Чытаю лісты франтавыя,\\
I сэрца трапеча і ные,\\
I лезе фраза ў галаву:\\
\\
– Мама, я не дажыву...\\
\\
У змрочнай нятопленай хаце\\
Уголас чытае ліст маці,\\
А я ўпрыхліпку раву:\\
\\
– Мама, я не дажыву...\\
\\
Ніхто з нас, малодшых, не знае,\\
Дзе яна, перадавая,\\
Што косіць людзей, як траву:\\
\\
– Мама, я не дажыву...\\
\\
А трэці свой ліст\\
Наш брат Міша\\
Ніколі дамоў не дапіша.\\
Навекі, – ў канцоўцы таксама, –\\
Застыла кароткае:\\
\\
– Мама...\\


\\
Крыніца: Грачанікаў Л. Я вас люблю...: Лірыка. – Мн.: Macт. літ., 1986. – 143 с.

 


===== Падобныя старонкі =====
  * [[ibdc.ped>i-надыходзіць-дзень]]
  * [[ibdc.ped>на-скрыжаванні]]
  * [[ibdc.ped>сустрэча-з-маці]]
  * [[ibdc.ped>да-маці]]
  * [[творы/янка-золак/янка-золак-ода-маці]]