~~META:
title = Анатоль Грачанікаў — Дзяжурны пакой машыністаў...
&keywords = доўга
&abstract = Чытаць верш Анатоля Грачанікава "Дзяжурны пакой машыністаў..."
&iftrue = nan
~~

====== Анатоль Грачанікаў — Дзяжурны пакой машыністаў... ======
Дзяжурны пакой машыністаў –\\
Агенцтва дарожных навін –\\
Аглушаны рыпам і свістам\\
Засмяглых ад рэйсаў машын.\\
\\
Хаця скразнякі магістралі\\
Працялі яго да касцей,\\
Ён пільна ўглядаецца ў далі,\\
Ён новых чакае гасцей.\\
\\
Пра ўсё, што людзьмі перажыта,\\
Разменам тут доўга палаць.\\
I будуць навіны

транзітам

Да станцый далёкіх спяшаць.\\
\\
Дзяжурка ж – ураз анямее,\\
Хоць ты ў адзіноце крычы.\\
I доўга яе чырванеюць\\
Бяссонныя вочы ўначы...\\
\\
1961\\


\\
Крыніца: Грачанікаў А. Верасень: Вершы. – Мн.: Маст. літ., 1984. – 142 с.

 


===== Падобныя старонкі =====
  * [[творы/анатоль-грачанікаў/анатоль-грачанікаў-вячэра]]
  * [[творы/анатоль-грачанікаў/анатоль-грачанікаў-сон]]
  * [[творы/анатоль-грачанікаў/анатоль-грачанікаў-гусак-і-певень]]
  * [[творы/анатоль-грачанікаў/анатоль-грачанікаў-не-трэба-жыць-як-набя]]
  * [[творы/анатоль-грачанікаў/анатоль-грачанікаў-развітанне]]