~~META:
title = Анатоль Вярцінскі — Што такое Радзіма?
&keywords = тоня, радзіма, голас, роднага, край, радзімы
&abstract = Верш Анатоля Вярцінскага "Што такое Радзіма?"
&iftrue = nan
~~

====== Анатоль Вярцінскі — Што такое Радзіма? ======
Зноў сёння ўнучка Тоня\\
пытанне мне задае:\\
– Радзіма… Што гэта такое?\\
Як пазнаваць мне яе?\\
\\
Вы ведаеце, дзеці,\\
які я ёй даў адказ,\\
па якой прыкмеце\\
Радзіму пазнаць можна ўраз?\\
\\
Чуеш, як птушка спявае?\\
У песні яе жывой –\\
голас роднага краю,\\
голас Радзімы тваёй.\\
\\
Бачыш, як сад квітнее,\\
як ззяе на лузе раса?\\
То роднага краю надзея,\\
то любай Радзімы краса.\\
\\
– Вось дзіва! – усклікнула Тоня. –\\
Радзіма – бы мама мая:\\
усё харошае тое,\\
што чую і бачу я.

 


===== Падобныя старонкі =====
  * [[творы/алесь-бачыла/алесь-бачыла-радзіма-мая-дарагая]]
  * [[творы/алесь-разанаў/алесь-разанаў-радзіма]]
  * [[ibdc.ped>ганарымся-бацькаўшчынай]]
  * [[ibdc.ped>скарбы-нашай-радзімы]]
  * [[творы/янка-купала/тэма-народнага-жыцця-і-любоў-да-радзімы-]]