~~META:
title = Анатоль Вярцінскі — Шкада мне вас
&keywords = шкада, мне, вас, любіць
&abstract = Чытаць верш Анатоля Вярцінскага "Шкада мне вас"
&iftrue = nan
~~

====== Анатоль Вярцінскі — Шкада мне вас ======
Што я скажу вам у адказ?\\
Шкада мне вас.\\
\\
Шкада мне вас, зласлівых, мітуслівых,\\
зайздрослівых і, значыць, нешчаслівых.\\
Бо, як вядома, каб шчаслівым быць,\\
быць трэба добрым і дабро рабіць.\\
\\
Шкада мне вас, сябелюбівых, хцівых,\\
карыслівых і, значыць, нешчаслівых.\\
Бо, як вядома, каб шчаслівым быць,\\
патрэба не сябе — другіх любіць.\\
\\
Каго вы любіце? Хто любіць вас?\\
Шкада мне вас. Вось мой адказ.\\
\\
1981

 


===== Падобныя старонкі =====
  * [[творы/анатоль-вярцінскі/анатоль-вярцінскі-медсястры]]
  * [[творы/анатоль-вярцінскі/анатоль-вярцінскі-цётка-плакала-па-ўсім-]]
  * [[творы/анатоль-вярцінскі/анатоль-вярцінскі-гавары-са-мной-ласкава]]
  * [[творы/анатоль-вярцінскі/анатоль-вярцінскі-аналіз-творчасці]]
  * [[творы/анатоль-вярцінскі/анатоль-вярцінскі-рэквіем-па-кожным-чацв]]