~~META:
title = Анатоль Вярцінскі — Мы, мёд і пчала
&keywords = хвалілі, забылі, хвалу, аддалі, дзякуючы, павінны, аўтар, працы, пчалу, людзі
&abstract = Чытаць верш Анатоля Вярцінскага "Мы, мёд і пчала". Адказы на пытанні да верша
&iftrue = nan
~~

====== Анатоль Вярцінскі — Мы, мёд і пчала ======
А потым гаспадыня да стала,\\
да чаю мёд нам падала.\\
І ўсе, адчуўшы пах мядовы,\\
хваліць той мёд былі гатовы.\\
Калі ж адчулі яго смак –\\
хвалілі мёд і так і сяк.\\
Хвалілі гаспадыню чынна,\\
што частавала нас гасцінна,\\
а ўслед за ёй – гаспадара.\\
Хвалілі потым пчаляра.\\
Хвалілі луг, хвалілі кветкі,\\
што мёд даюць надзіва рэдкі.\\
Усім тут аддалі хвалу.\\
Забылі толькі пра... пчалу.

\\
**Адказы на пытанні:**\\
1. Пад вобразамі пчалы маюцца на ўвазе працавітыя людзі, дзякуючы якім у нас на стале ёсць ежа, на вобразе гасцей – спажыўцы прадуктаў працы, людзі, якія харчуюцца з працы чужых і не задумваюцца які кошт укладзены ў кожны кавалачак ежы.\\
2. Аўтар хацеў нагадаць нам, што мы павінны паважаць працавітых людзей, дзякуючы якім мы не ведаем нястачы, аўтар падкрэслівае, што менавіта іх руплівая і цяжкая праца прыносіць нам усе выгоды, а мы павінны іх высока цаніць і не забываць.\\
3. Своеасаблівая мараль у апошніх радках прытчы:

\\
Усім тут аддалі хвалу.\\
Забылі толькі пра... пчалу.

 


===== Падобныя старонкі =====
  * [[творы/станіслаў-шушкевіч/станіслаў-шушкевіч-пчала]]
  * [[творы/артур-вольскі/артур-вольскі-пчала]]
  * [[творы/эдуард-валасевіч/эдуард-валасевіч-пчолы-і-труцень]]
  * [[творы/алесь-разанаў/алесь-разанаў-пчала]]
  * [[творы/станіслаў-шушкевіч/станіслаў-шушкевіч-пчала-і-авадзень]]