~~META:
title = Анатоль Вярцінскі — З'яўленне
&keywords = З'яўленне
&abstract = Чытаць верш "З'яўленне" Анатоля Вярцінскага
&iftrue = nan
~~

====== Анатоль Вярцінскі — З'яўленне ======
З'яўленне зор і сонца ў вышыні.\\
З'яўленне сокаў з глыбіні карэння.\\
З'яўленне траў у веснавыя дні...\\
І вось маё, і вось тваё з'яўленне.\\
\\
Як быццам бы дамовіліся ўсе —\\
глыбіні цёмныя і залатыя высі,—\\
як быццам бы сказалі ўсе: «З'явіся!» —\\
І ты з'явілася ва ўсёй красе.\\
\\
Як быццам нечакана ўсё было,\\
як быццам выпадкова.

А на справе

увасабленне гэтае наяве\\
чакалася, як ранняе святло.\\
\\
А каб ты нам з'явілася як след,\\
падмогаю было благаславенне:\\
благаслаўляў тваё з'яўленне свет,\\
сусвет благаслаўляў тваё з'яўленне.

 


===== Падобныя старонкі =====
  * [[творы/анатоль-вярцінскі/анатоль-вярцінскі-медсястры]]
  * [[творы/анатоль-вярцінскі/анатоль-вярцінскі-аналіз-творчасці]]
  * [[творы/анатоль-вярцінскі/анатоль-вярцінскі-рэквіем-па-кожным-чацв]]
  * [[творы/анатоль-вярцінскі/анатоль-вярцінскі-гавары-са-мной-ласкава]]
  * [[творы/анатоль-вярцінскі/анатоль-вярцінскі-цётка-плакала-па-ўсім-]]