~~META:
title = Анатоль Вярцінскі — Жаночая гордасць
&keywords = Вярцінскі, гордасць
&abstract = Чытаць верш Анатоля Вярцінскага "Жаночая гордасць"
&iftrue = nan
~~

====== Анатоль Вярцінскі — Жаночая гордасць ======
Ёсць звон ручая, ёсць свежасць рос,\\
ёсць веліч вяршыні горнай.\\
I ёсць яшчэ адно з дзівос,\\
гэта — жаночая гордасць.\\
\\
Яна — не прыхамаць, не капрыз,\\
не д'ябальская забава.\\
Глянуць адчужана зверху ўніз —\\
святое жаночае права.\\
\\
Ёсць нешта ў ёй ад гор і зор.\\
Ды ўсё-ткі зямны яшчэ болей\\
позірк яе, яе дакор —\\
аснова зямной любові.\\
\\
Ёсць ветра бег, ёсць каханне наспех,\\
смех, грубы ў сваёй прыроднасці...\\
Самы вялікі мужчынскі наш грэх —\\
грэх супраць ясаночай гордасці.\\


 


===== Падобныя старонкі =====
  * [[творы/сяргей-грахоўскі/сяргей-грахоўскі-плача-жанчына]]
  * [[творы/генадзь-бураўкін/генадзь-бураўкін-жанчын-прыгожых-трэба-б]]
  * [[творы/віктар-карамазаў/віктар-карамазаў-жанчына-ў-чорным-і-афга]]
  * [[творы/янка-сіпакоў/янка-сіпакоў-жанчына]]
  * [[творы/эдуард-акулін/эдуард-акулін-жанчына]]