~~META:
title = Анатоль Вярцінскі — Дурман
&keywords = Вярцінскі, дурман
&abstract = Чытаць прытчу Анатоля Вярцінскага "Дурман"
&iftrue = nan
~~

====== Анатоль Вярцінскі — Дурман ======
//\\
//Яго не можаш не заўважыць ты —\\
разросся пышна ён на ўскрайку вёскі:\\
шырокія зялёныя лісты\\
і белыя духмяныя пялёсткі.\\
\\
Але ніхто яго і не кране.\\
Не ляжа ў стозе з сенам ён мурожным,\\
не стане ён букетам на акне —\\
пад восень звяне ў пыле прыдарожным.\\
\\
Не сок жывы ў яго, а горкі яд.\\
I гэта не схаваць нічым дурману,\\
ні лісцем, што прывабіць і пагляд,\\
ні кветкаю, вялікай і духмянай.

 


===== Падобныя старонкі =====
  * [[творы/анатоль-вярцінскі/анатоль-вярцінскі-рэквіем-па-кожным-чацв]]
  * [[творы/анатоль-вярцінскі/анатоль-вярцінскі-цётка-плакала-па-ўсім-]]
  * [[творы/анатоль-вярцінскі/анатоль-вярцінскі-аналіз-творчасці]]
  * [[творы/анатоль-вярцінскі/анатоль-вярцінскі-гавары-са-мной-ласкава]]
  * [[творы/анатоль-вярцінскі/анатоль-вярцінскі-медсястры]]