~~META:
title = Анатоль Вярцінскі — Два полі
&keywords = Вярцінскі, поле
&abstract = Чытаць верш Анатоля Вярцінскага "Два полі"
&iftrue = nan
~~

====== Анатоль Вярцінскі — Два полі ======
Было ў салдата два полі,\\
поле, дзе кветкі ірваў,\\
бегаў з сябрамі на волі,\\
і поле, дзе ён ваяваў.

\\
Ціха было і чыста\\
ў полі яго дзяцінства,\\
былі агонь і дым\\
на пол і ратным тым.

\\
Два полі было ў салдата.\\
Адно зелянела травой,\\
другое было ўзарата\\
вайной і паліта крывёй.

\\
Было ў салдата два полі,\\
поле, дзе кветкі ірваў,\\
бегаў з сябрамі на волі,\\
і поле, дзе ён паміраў.

Аналіз верша:

1. У вершы [[творы/анатоль-вярцінскі/творчасць-анатоля-вярцінскага|Анатоль Вярцінскі]] стварае два розныя вобразы. Першы вобраз – шчаслівае поле дзяцінства. Гэта светлы і радасны вобраз, створаны паэтам. Другі вобраз верша – поле бою, змрочнае і трагічнае месца, дзе памірае герой твора.\\
2. Герой твора ўяўляецца маладым яшчэ салдатам, які не так даўно выйшаў з дзіцячага ўзросту, бо вобразы дзяцінства блізкія яму і дарагія. Там, на полі дзяцінства, некалі бегаў ён з сябрамі, ірваў кветкі. У жыцці героя гэта быў бесклапотны і вольны час.\\
3. Зусім іншым паўстае другое поле, якое супрацьпастаўляецца полю дзяцінства, бо на ім «былі агонь і дым». У рэзкім кантрасце з карцінай зялёнага квяцістага поля паўстае другое – «узаратае вайной і палітае крывёй». На гэтым, другім полі герой паміраў.\\
4. Моцнае трагічнае гучанне надаюць твору радкі, у якіх аўтар апісвае поле бою: «поле, дзе ён ваяваў», «былі агонь і дым, на полі ратным тым», «узарата вайной і паліта крывёй», «поле, дзе ён паміраў».

 


===== Падобныя старонкі =====
  * [[творы/анатоль-вярцінскі/анатоль-вярцінскі-цётка-плакала-па-ўсім-]]
  * [[творы/анатоль-вярцінскі/анатоль-вярцінскі-аналіз-творчасці]]
  * [[творы/анатоль-вярцінскі/анатоль-вярцінскі-медсястры]]
  * [[творы/анатоль-вярцінскі/анатоль-вярцінскі-рэквіем-па-кожным-чацв]]
  * [[творы/анатоль-вярцінскі/анатоль-вярцінскі-гавары-са-мной-ласкава]]