Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Анатоль Вярцінскі — Гора – не бяда, бяда — не гора
&keywords = гора, бяда, Рыгор
&abstract = Чытаць верш Анатоля Вярцінскага "Гора – не бяда, бяда — не гора..."
&iftrue = nan
~~

====== Анатоль Вярцінскі — Гора – не бяда, бяда — не гора ======
«Гора – не бяда, бяда — не гора:\\
пабыла – сплыла, нібы вада.\\
Няма праўды – гэта ўжо горай,\\
гэта ўжо цэлая бяда.\\
Гора – не бяда, бяда – не гора...» –\\
гаварыў так часта дзед Рыгор,\\
хоць да майго дзеда да Рыгора\\
гора і заходзіла на двор.\\
Спіць мой продак, соснамі адпеты.\\
Я жыву – яго і плоць і косць.\\
На маім рахунку ёсць і беды,\\
на маім рахунку гора ёсць.\\
Знаю добра іхні горкі прысмак,\\
іхні смак. І знаю я яшчэ –\\
як несправядлівасць, нібы прысак,\\
тваё сэрца раптам апячэ.\\
Я спасціг, што беды – непазбежнасць,\\
немінучы спадарожнік мой.\\
Я прызнаў жалезную залежнасць\\
ад прыроды – мёртвай і жывой.\\
Я сцярплю усе яе няміласці,\\
i капрызы, і сюрпрызы ўсе.\\
Толькі аднаго –\\
несправядлівасці\\
чалавечы дух мой не знясе.\\
«Гора – не бяда, бяда – не гора,–\\
я кажу, як гаварыў мой дзед.–\\
Вось несправядлівасць – гэта горай,\\
гэта горай ад усякіх бед».

 


===== Падобныя старонкі =====
  * [[творы/алесь-разанаў/алесь-разанаў-бяда-і-гора]]
  * [[творы/змітрок-бядуля/змітрок-бядуля-гора-удавы-сымоніхі]]
  * [[творы/анатоль-вярцінскі/анатоль-вярцінскі-рэквіем-па-кожным-чацв]]
  * [[творы/францішак-багушэвіч/францішак-багушэвіч-гора]]
  * [[творы/анатоль-вярцінскі/анатоль-вярцінскі-цётка-плакала-па-ўсім-]]