~~META:
title = Анатоль Вялюгін — Чаромхавыя халады
&keywords = песня, халады
&abstract = Чытаць верш Анатоля Вялюгіна "Чаромхавыя халады"
&iftrue = nan
~~

====== Анатоль Вялюгін — Чаромхавыя халады ======
Па ярах сумётамі –\\
белая чаромха.\\
Салаўі шалёныя\\
б’юць на ўсе лады.\\
Заінела пер’е\\
майскага чарота:\\
выветрыўшы неба,\\
ходзяць халады.\\
\\
I заўсёды лепшая\\
на світанку нашча\\
песня заспяваецца.\\
Чуеш, малады,\\
як шуміць у белым\\
бацькаўшчына наша.\\
Горла песні ранняй\\
лудзяць халады.\\
\\
Суцяшае радыё:\\
– У пачатку мая\\
на далёкай поўначы\\
растаюць ільды...\\
Позні дым у садзе\\
цёпла абдымае\\
белыя галінкі –\\
сёння халады.\\
\\
Голлю калыхацца,\\
кладкам угінацца,\\
на сцяжынах – шолахі\\
лёгкае хады.\\
Ты са мной,\\
шаленства буйнага юнацтва,\\
п’яны цвет чаромхі...\\
песня...

халады...

\\
1960\\


\\
Крыніца: Вялюгін А. З белага камення – сіняе пламенне: Кніга паэзіі. – Мн.: Маст. літ., 1993. – 254 с.

 


===== Падобныя старонкі =====
  * [[творы/анатоль-вялюгін/анатоль-вялюгін-дзіва]]
  * [[творы/анатоль-вялюгін/творчасць-анатоля-вялюгіна]]
  * [[творы/анатоль-вялюгін/анатоль-вялюгін-сланечнік-з-прабітай-гал]]
  * [[творы/анатоль-вялюгін/анатоль-вялюгін-лета]]
  * [[творы/анатоль-вялюгін/анатоль-вялюгін-белазорае-бабіна-лета]]