Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.
~~META:
title = Аляксей Якімовіч — Па дарозе са школы
&keywords = кладку, бабуля, алесь, ручай, парэнчы, ручая, хлопчыкі, бабулю, перагаворваючыся
&abstract = Чытаць апавяданне Алеся Якімовіча "Па дарозе са школы"
&iftrue = nan
~~

====== Аляксей Якімовіч — Па дарозе са школы ======
Цёплым вясновым днём хлопчыкі-аднакласнікі вярталіся са школы. Хутка будзе ручай, а там і вёска побач, рукою падаць.\\
Перагаворваючыся, жартуючы, яны непрыкметна падышлі да ручая.\\
– Наш ручай сёння вунь як разліўся! – заўважыў Косця.\\
– Высокая вада кладку можа знесці, – занепакоіўся Алесь.\\
І сапраўды, вясенняя паводка сарвала кладку.\\
Да хлопчыкаў падышла бабуля. Яна, відаць, ужо даўно адпачывала тут.\\
– У госці да ўнучкі сабралася... Што рабіць, не ведаю, – бабуля бездапаможна развяла рукамі.\\
Хлопчыкі адышліся убок.\\
– Давайце абыдзем ручай, – прапанаваў Рыгорка.\\
– Мы абыдзем, а бабуля і да вечара да сваёй унучкі не дабярэцца, – не пагадзіўся Алесь.\\
– Трэба новую кладку зрабіць! – рашуча рассёк рукою паветра Вова. – Хіба адна бабуля ў вёску ідзе? Уяўляеце, што будзе тут, калі сцямнее?\\
– Давайце знойдзем бервяно і зробім кладку, – падтрымаў Вову Алесь.\\
Бервяно ляжала каля ручая. Хлопчыкі ледзь змаглі падняць яго: цяжкае вельмі. Так-сяк прынеслі і перакінулі на другі бераг. Рыгорка зірнуў на бабулю і сказаў:\\
– Яшчэ парэнчы трэба зрабіць.\\
На абодвух берагах ручая хлопцы ўбілі ў зямлю калкі, а парэнчы прымацавалі да іх лазою.\\
– Пераходзьце, не бойцеся, – запрасіў бабулю Алесь і першым праз кладку перабег, каб бачыла бабуля, што кладка надзейная.\\
Жанчына асцярожна ступіла на кладку, узялася рукамі за парэнчы і, перайшоўшы на другі бераг, падзякавала:\\
– Дзякуй вам, дзеткі.\\
Весела перагаворваючыся, аднакласнікі пабеглі ў вёску.

 


===== Падобныя старонкі =====
  * [[творы/алесь-якімовіч/алесь-якімовіч-аладкі]]
  * [[творы/алесь-якімовіч/алесь-якімовіч-вераб-ёвы-госці]]
  * [[творы/алесь-якімовіч/алесь-якімовіч-байка-пра-казла]]
  * [[творы/алесь-якімовіч/алесь-якімовіч-хітры-воўк]]
  * [[творы/алесь-якімовіч/алесь-якімовіч-аўтамат]]