~~META:
title = Аляксей Пысін — Яшчэ не скончана дарога...
&keywords = людзей, дарога
&abstract = Верш Аляксея Пысiна "Яшчэ не скончана дарога..."
&iftrue = nan
~~

====== Аляксей Пысін — Яшчэ не скончана дарога... ======
Яшчэ не скончана дарога\\
І хочаш думаць аб зямным.\\
Не пакідай мяне, трывога,\\
Будзь спадарожнікам маім.\\
\\
Ты дай адчуць дыханне хмары,\\
З якою едзе градабой,\\
Пазнаць між радасных на твары\\
І тых,

хто з смуткам і журбой.

\\
Каб без разліку і без платы\\
Падаць руку таму,

хто брат,

Бо незваротныя ёсць страты,\\
І сам я чымсьці вінават.\\
\\
Былі б сягоння мы намнога\\
І прыгажэй,

і маладзей,

Каб паважалі больш, чым бога,\\
Для нас народжаных людзей.\\
\\
Трымаю споведзь, не маленне,\\
Бо і сябе я не бярог.\\
І мой суддзя – маё сумленне\\
Прад даллю будучых дарог.\\
\\
Не папрашу ў яго амністый,\\
Ні парушынкі не ўтаю,\\
Хачу абноўленай і чыстай\\
Аддаць людзям любоў сваю.\\
\\
1963 г.