Калі гляджу на рукі бацькі
У рубцах, вузлах, –
Здаецца мне,
Што можна з дубам параўнаць іх
Моц і вынослівасць.
Ды не!

Яны ж не толькі спёку зналі,
Дубелі ў холадзе зімой,
А дол варочалі,
Аралі,
Драбілі вугаль пад зямлёй,
Кавалі сталь,
Граніт крышылі,
Трымалі зброю на вайне
І, хоць гулі,
Ад стомы нылі,
Малога няньчылі мяне.

• аляксей-пысін/аляксей-пысін-забыта-многае-ў-жыцці
• аляксей-пысін/аляксей-пысін-домскі-арган
• праца-тваіх-рук
• ніна-мацяш/ніна-мацяш-рукі-маці
• янка-сіпакоў/янка-сіпакоў-твае-рукі