~~META:
title = Аляксей Пысін — Рукі бацькі
&keywords = рукі, бацькі
&abstract = Верш Аляксея Пысіна "Рукі бацькі"
&iftrue = nan
~~

====== Аляксей Пысін — Рукі бацькі ======
Калі гляджу на рукі бацькі\\
У рубцах, вузлах, –\\
Здаецца мне,\\
Што можна з дубам параўнаць іх\\
Моц і вынослівасць.\\
Ды не!\\
\\
Яны ж не толькі спёку зналі,\\
Дубелі ў холадзе зімой,\\
А дол варочалі,\\
Аралі,\\
Драбілі вугаль пад зямлёй,\\
Кавалі сталь,\\
Граніт крышылі,\\
Трымалі зброю на вайне\\
І, хоць гулі,\\
Ад стомы нылі,\\
Малога няньчылі мяне.

 


===== Падобныя старонкі =====
  * [[творы/аляксей-пысін/аляксей-пысін-забыта-многае-ў-жыцці]]
  * [[творы/аляксей-пысін/аляксей-пысін-домскі-арган]]
  * [[ibdc.ped>праца-тваіх-рук]]
  * [[творы/ніна-мацяш/ніна-мацяш-рукі-маці]]
  * [[творы/янка-сіпакоў/янка-сіпакоў-твае-рукі]]