~~META:
title = Аляксей Пысін — Пісьмо птушак
&keywords = птушкі, знакі
&abstract = Чытаць верш Аляксея Пысіна "Пісьмо птушак"
&iftrue = nan
~~

====== Аляксей Пысін — Пісьмо птушак ======
Лёг сняжок пушысты,\\
Белы, як папера,\\
А на снезе птушкі\\
Ў каляровым пер’і.\\
\\
Цэлую гадзіну\\
Дзеці прастаялі.\\
Што гэта за знакі –\\
І не адгадалі.\\
\\
Снегіры, сініцы,\\
Галкі-забіякі\\
На паперы гэтай\\
Пакідаюць знакі.\\
\\
Падышоў дзядуля,\\
Акуляры – у рукі:\\
– Зараз адгадаем,\\
Дарагія ўнукі.\\
\\
Гэта пішуць птушкі:\\
У іх няма кармушкі,\\
Просяць хоць бы трошкі\\
Зерняў, хлебных крошак.

 


===== Падобныя старонкі =====
  * [[творы/аляксей-пысін/аляксей-пысін-петрык-і-сонца]]
  * [[творы/аляксей-пысін/творчасць-аляксея-пысіна]]
  * [[творы/аляксей-пысін/аляксей-пысін-домскі-арган]]
  * [[творы/аляксей-пысін/аляксей-пысін-забыта-многае-ў-жыцці]]
  * [[творы/аляксей-пысін/аляксей-пысін-туман]]