~~META:
title = Аляксей Пысін — Палім мы маршанскую махорку...
&keywords = свеце, будуць
&abstract = Чытаць верш Аляксея Пысіна "Палім мы маршанскую махорку..."
&iftrue = nan
~~

====== Аляксей Пысін — Палім мы маршанскую махорку... ======
Палім мы маршанскую махорку,\\
Бачым мы Дняпроўскую граду.\\
Будзе сёння бой. На тым узгорку,\\
Можа, я таксама упаду.\\
\\
Будуць травы над курганам. Будуць\\
Адлятаць у вырай жураўлі.\\
Нас, напэўна, ў свеце не забудуць,\\
Ўспомняць, што на свеце мы жылі.\\
\\
...Я гляджу на даўняе курганне,\\
На траву, на рыжых мурашоў.\\
Ведайце: калі мяне не стане –\\
Я ў сваю дывізію пайшоў.\\
\\
1966

 


===== Падобныя старонкі =====
  * [[творы/аляксей-пысін/аляксей-пысін-забыта-многае-ў-жыцці]]
  * [[творы/аляксей-пысін/аляксей-пысін-домскі-арган]]
  * [[творы/аляксей-пысін/творчасць-аляксея-пысіна]]
  * [[творы/аляксей-пысін/аляксей-пысін-пісьмо-птушак]]
  * [[творы/аляксей-пысін/аляксей-пысін-туман]]