~~META:
title = Аляксей Пысін — Не адчувае лес зямлі...
&keywords = лес
&abstract = Верш Аляксея Пысіна "Не адчувае лес зямлі..."
&iftrue = nan
~~

====== Аляксей Пысін — Не адчувае лес зямлі... ======
Не адчувае лес зямлі –\\
Зімою лес бліжэй да неба.\\
Спяваюць белыя чмялі\\
Аб тым, што кветак ім не трэба.\\
З вятрамі, з хмарай снегавой\\
Сасна птушыная ў палёце.\\
Спяць кажаны ўніз галавой\\
Насуперак зямной прыродзе.\\
\\
Зямля замерзлая – як дом,\\
Хавае ўсё, чым жыць павінны,\\
І свеціць блізкім аганьком\\
Пад лёдам ягадка каліны.

 


===== Падобныя старонкі =====
  * [[творы/аляксей-пысін/аляксей-пысін-туман]]
  * [[творы/аляксей-пысін/аляксей-пысін-домскі-арган]]
  * [[творы/аляксей-пысін/аляксей-пысін-забыта-многае-ў-жыцці]]
  * [[творы/аляксей-пысін/аляксей-пысін-пісьмо-птушак]]
  * [[творы/аляксей-пысін/творчасць-аляксея-пысіна]]