~~META:
title = Аляксей Пысін — Небывалы ўзняўся дом
&keywords = дом, зары
&abstract = Верш Аляксея Пысіна "Небывалы ўзняўся дом"
&iftrue = nan
~~

====== Аляксей Пысін — Небывалы ўзняўся дом ======
Паміж хвояў пад кустом\\
Небывалы ўзняўся дом.\\
Сто ўваходаў, сто дзвярэй\\
для дарослых і дзяцей.\\
\\
Сто паверхаў, сто падлог,\\
каля дому тупат ног.\\
Ад зары і да зары\\
тут працуюць жыхары.\\
\\
– Гэй, з дарогі, дайце шлях,\\
дуб нясу я на плячах!\\
Хто з калодай, з бервяном –\\
тупацяць мурашкі ў дом.\\
\\
А ў калысках у цішы\\
спяць малыя мурашы.

 


===== Падобныя старонкі =====
  * [[творы/аляксей-пысін/аляксей-пысін-туман]]
  * [[творы/аляксей-пысін/творчасць-аляксея-пысіна]]
  * [[творы/аляксей-пысін/аляксей-пысін-домскі-арган]]
  * [[творы/аляксей-пысін/аляксей-пысін-забыта-многае-ў-жыцці]]
  * [[творы/аляксей-пысін/аляксей-пысін-пісьмо-птушак]]