~~META:
title = Алесь Салавей — Тысяча дзевяцьсот...
&keywords = Салавей, тысяча, дзевяцьсот
&abstract = Чытаць верш Алеся Салаўя "Тысяча дзевяцьсот..."
&iftrue = nan
~~

====== Алесь Салавей — Тысяча дзевяцьсот... ======
//Прысвячаецца Янку Юхнаўцу//\\
\\
Немінучасці — натхнёны\\
ход.\\
Крочыць Новы, неўнікнёны\\
год.\\
\\
Час плыве, шле з дальных рэйдаў\\
блік,\\
піша ў небе белай крэйдай\\
лік.\\
\\
Крэсліць: тысяча і дзевяць\\
сот...\\
З пражытога ймкне у неведзь\\
стод.\\
\\
Рэшту лікаў затуляе\\
ён,\\
а на першых свой стаўляе\\
плён.\\
\\
Гэта — дзён мінулых выхрыст\\
«V»,\\
а на доле злы антыхрыст —\\
«гаў!»\\
\\
«V» паказвае атомам\\
шлях,\\
на антыхрыста стагромам —\\
бах!..\\
\\
I зляцеў з маіх павекаў\\
сон.\\
Бачу: спомірснаму веку —\\
скон.\\
\\
Велікома йдзе ўва ўсеведзь\\
год,\\
Новы — тысяча і дзевяць\\
сот...\\
\\
1946

 


===== Падобныя старонкі =====
  * [[творы/алесь-салавей/там-на-пякельным-таку-дзе-цапамі-малоцяц]]
  * [[творы/алесь-салавей/алесь-салавей-лясы-узгоркі-паплавы]]
  * [[творы/алесь-салавей/алесь-салавей-пад-шэлесты-лісця]]
  * [[постаці/алесь-салавей]]
  * [[творы/алесь-салавей/алесь-салавей-спі]]