~~META:
title = Алесь Салавей — Санет
&keywords = спакой, горад
&abstract = Чытаць "Санет" Алеся Салаўя
&iftrue = nan
~~

====== Алесь Салавей — Санет ======
Здаецца, ўрэшце я знайшоў спакой,\\
хоць на кароткі час пакінуў горад.\\
Забраўся ў цішу. Неба нада мной –\\
прытулак сонцу ўдзень, а ўночы – зорам;\\
\\
салоны вецер ветліцца з травой,\\
гамоніць воддаль водгульнае мора.\\
Скажы, хіба ў чароўнасці такой\\
хто-небудзь можа бачыць сум і гора?\\
\\
А паспрабуй – і волю думкам дай:\\
міжволі ўспомніш звон бароў гуллівых,\\
найзалацейшы скарб на спелых нівах...\\
\\
Гляджу задумліва на шызы небакрай, –\\
які б я быў удзячны і шчаслівы,\\
каб гэта быў мой сэрцу блізкі край!\\
\\
25.07.1943, Дзынтары, Рыжская затока

 


===== Падобныя старонкі =====
  * [[слоўнік/санет]]
  * [[творы/янка-купала/янка-купала-для-зямлі-прадзедаў-маіх]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[слоўнік/вянок-санетаў]]
  * [[творы/максім-багдановіч/максім-багдановіч-санет-замёрзла-ноччу-ш]]