~~META:
title = Алесь Салавей — Рандо
&keywords = агонь
&abstract = Чытаць "Рандо" Алеся Салаўя
&iftrue = nan
~~

====== Алесь Салавей — Рандо ======
Агонь гарыць. I цемры лонь\\
яго ў абоймы ўзяць не ў стане.\\
Нат неба сіняга аблонь\\
пунсуе, бы ў зіхценні рання.\\
Падкіну дроў. Хай цьмы супонь\\
рве ноч. Хай блізіцца світанне,\\
збудзіўшы дрэмнай шыры сонь, –\\
не згасне ў парасьным саяне\\
агонь.\\
\\
Калі жыцця дні да змяркання\\
ідуць і срэбрам беляць скронь –\\
ты йшчэ не згас. Пакуль дыханне\\
бадзёрыць кроў – рукі далонь\\
ў сардэчным чуе трапятанні\\
агонь.\\
\\
27.08.1943

 


===== Падобныя старонкі =====
  * [[творы/алесь-салавей/там-на-пякельным-таку-дзе-цапамі-малоцяц]]
  * [[постаці/алесь-салавей]]
  * [[творы/алесь-салавей/алесь-салавей-пад-шэлесты-лісця]]
  * [[творы/алесь-салавей/алесь-салавей-лясы-узгоркі-паплавы]]
  * [[творы/алесь-салавей/алесь-салавей-спі]]