~~META:
title = Алесь Салавей — Раманс (Няма нідзе...)
&keywords = Салавей, раманс, вачэй
&abstract = Чытаць "Раманс" Алеся Салаўя
&iftrue = nan
~~

====== Алесь Салавей — Раманс (Няма нідзе...) ======
Няма нідзе\\
блакітных васількоў —\\
такіх, што ў нас — няма нідзе.\\
I ўноч, і ўдзень\\
яны — трывога сноў:\\
я на чужыне не знайшоў\\
такіх нідзе.\\
\\
Тваіх вачэй\\
блакіт, о квецік мой,\\
о любая, за ўсё сіней\\
блакіт вачэй...\\
Сябруе сум са мной,\\
бо не знайсці ў зямлі чужой\\
такіх вачэй.\\
\\
22.10.1943. Рыга

 


===== Падобныя старонкі =====
  * [[творы/алесь-салавей/там-на-пякельным-таку-дзе-цапамі-малоцяц]]
  * [[постаці/алесь-салавей]]
  * [[творы/алесь-салавей/алесь-салавей-спі]]
  * [[творы/алесь-салавей/алесь-салавей-лясы-узгоркі-паплавы]]
  * [[творы/алесь-салавей/алесь-салавей-пад-шэлесты-лісця]]