~~META:
title = Алесь Салавей — Паэт
&keywords = паэт, укладае
&abstract = Чытаць "Паэт" верш Алеся Салаўя
&iftrue = nan
~~

====== Алесь Салавей — Паэт ======
Хто церпіць больш за ўсіх? Хто зносіць шмат? Хіба, адзін паэт!\\
Не гэтак лёгка Музы найвялікшы дар яму даецца.\\
У слова кажнае, у кажны свой радок, што пойдзе ў свет,\\
ён укладае жар душы, ён укладае часткі сэрца.\\
\\
I я – хай не паэт, хай толькі той, хто піша так, не ў толк,\\
калі-ж, ахоплены натхненнем, я бяру асадку ў рукі,\\
перш, чым пісаць, я адчуваю ўсё, што дзеецца вакол, –\\
і радасць чэрпаю заўжды да дна, а разам з ёю – мукі.\\
\\
1. 7. 1943

 


===== Падобныя старонкі =====
  * [[творы/алесь-салавей/алесь-салавей-спі]]
  * [[творы/алесь-салавей/там-на-пякельным-таку-дзе-цапамі-малоцяц]]
  * [[постаці/алесь-салавей]]
  * [[творы/алесь-салавей/алесь-салавей-пад-шэлесты-лісця]]
  * [[творы/алесь-салавей/алесь-салавей-лясы-узгоркі-паплавы]]