~~META:
title = Алесь Салавей — О не, ня цёмным воблакам шпакі...
&keywords = шпакі, жураўлі
&abstract = Чытаць тэрцыну Алеся Салаўя "О не, ня цёмным воблакам шпакі..."
&iftrue = nan
~~

====== Алесь Салавей — О не, ня цёмным воблакам шпакі... ======
//(Паводле Дантэ)//

О не, ня цёмным воблакам шпакі\\
лятуць, калі зіма ў марозных путах\\
ідзе насустрач – а на ўсе бакі\\
\\
нясуць вятры плямя навалаў лютых;\\
надзеі лепшага ў нябыт пайшлі –\\
і не ўсміхаецца жыццё ў пакутах!\\
\\
О не, ня жальным крыкам жураўлі\\
трывожаць супакой высі празорнай, –\\
а ўзнятыя вятрамі ад зямлі\\
\\
натоўпы хмар. Штодня – ўсё горай, горай...\\
\\
1943

 


===== Падобныя старонкі =====
  * [[творы/алесь-салавей/алесь-салавей-мала]]
  * [[творы/янка-сіпакоў/янка-сіпакоў-тэрцыны-пра-наручнікі]]
  * [[творы/рыгор-крушына/рыгор-крушына-тэрцыны]]
  * [[творы/алесь-салавей/алесь-салавей-восеньскія-тэрцыны]]
  * [[слоўнік/тэрцына]]