~~META:
title = Алесь Салавей — Максіму Багдановічу
&keywords = жыццё
&abstract = Чытаць верш Алеся Салаўя "Максіму Багдановічу"
&iftrue = nan
~~

====== Алесь Салавей — Максіму Багдановічу ======
Нечакана парвецца жыццё... Больш ніколі яно не ўваскрэсне.\\
Колькі думак нязбытых бярэ да сябе падысподная цьма!\\
Спатыкае іх вечны спакой. I ўсё роўна ім – вольна, ці цесна...\\
Толькі той будзе жыць, не памрэ – у нябыт каму шляху няма.\\
\\
Не памрэ толькі той, хто аддаў усе сілы жыцця для народу,\\
хто мінулае ўславіў красой, зазірнуў хто і ў прышлыя дні.\\
Дар ягоны, убраны ў вянкі, шанавацьмуць нашчадкі заўсёды,\\
воды ўлеваў не змыюць яго, і не спаляць пякельняў агні.\\
\\
07.09.1943, Рыга

 


===== Падобныя старонкі =====
  * [[творы/алесь-салавей/алесь-салавей-пад-шэлесты-лісця]]
  * [[творы/алесь-салавей/алесь-салавей-спі]]
  * [[творы/алесь-салавей/алесь-салавей-лясы-узгоркі-паплавы]]
  * [[постаці/алесь-салавей]]
  * [[творы/алесь-салавей/там-на-пякельным-таку-дзе-цапамі-малоцяц]]