~~META:
title = Алесь Салавей — Гекзаметры
&keywords = Салавей, гекзаметр
&abstract = Чытаць "Гекзаметры" Алеся Салаўя
&iftrue = nan
~~

====== Алесь Салавей — Гекзаметры ======
Цяжка ў хадзе дасягнуць вышнявіны сівога Парнасу:\\
сцежка — шыпшыннік густы, на сцяблінках — калючыя дзіды.\\
Лёгка не пішацца верш, калі хочаш, каб быў ён сапраўдны,\\
шмат ён каштуе ахвяраў — драбочкаў крыві майго сэрца.\\


*****

Як ні сягай, а не ўдасца зацемрыць высокага сонца,\\
кожны прыступ да яго — наймагутная варта Дажбога.\\
Нельга стрымаць і зняволіць высокіх імкненняў паэта —\\
покуль пульсуе ў ім кроў і паветрам ахвоцяцца грудзі,\\
дзе б ён ні быў — на свабодзе, ў няволі — з ім слаўная Муза.\\
\\
Ліпень 1943

 


===== Падобныя старонкі =====
  * [[творы/алесь-салавей/алесь-салавей-спі]]
  * [[творы/алесь-салавей/там-на-пякельным-таку-дзе-цапамі-малоцяц]]
  * [[творы/алесь-салавей/алесь-салавей-пад-шэлесты-лісця]]
  * [[постаці/алесь-салавей]]
  * [[творы/алесь-салавей/алесь-салавей-лясы-узгоркі-паплавы]]