~~META:
title = Алесь Салавей — Гайна
&keywords = дзень, успень, нарадзінаў, гайна
&abstract = Чытаць санет Алеся Салаўя "Гайна"
&iftrue = nan
~~

====== Алесь Салавей — Гайна ======
Ну вось – і нарадзінаў маіх дзень.\\
Мне дзевятнаццаць споўнілася сяньня.\\
Адзін. Няма сяброў. Альховы сцень\\
цяпер са мной, і ты са мною, Гайна!\\
\\
Твае лугі і водырная тхнень\\
мурожных траў – вось слодыч частавання.\\
Успень пітво у берагох, успень,\\
дваццаты год мо пойдзе на спатканне!\\
\\
Дзе-ж келіхі? Сябры? Суровы лёс\\
мяне без іх у гэты кут занёс.\\
Як ён ні кпіцца нада мной нягожа, –\\
\\
ды ўсё-ж ад Гайны адарваць не можа!\\
I да чароўных ейных берагоў\\
дзень нарадзінаў я спаткаць прыйшоў.\\
\\
01. 05. 1941, Лагойск

 


===== Падобныя старонкі =====
  * [[слоўнік/санет]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[творы/янка-купала/янка-купала-для-зямлі-прадзедаў-маіх]]
  * [[слоўнік/вянок-санетаў]]
  * [[творы/максім-багдановіч/максім-багдановіч-санет-замёрзла-ноччу-ш]]