~~META:
title = Алесь Салавей — Беларусі
&keywords = дарагая, нядаўна
&abstract = Чытаць верш Алеся Салаўя "Беларусі"
&iftrue = nan
~~

====== Алесь Салавей — Беларусі ======
Тут нядаўна йшчэ гора шалела,\\
тут нядаўна йшчэ зналі прымус...\\
За цябе маё сэрца балела,\\
дарагая мая Беларусь.\\
\\
Нам жыццё было цяжкім прыгонам,\\
і канца не было тэй бядзе.\\
Чуў Свяцейшы з высокага трону\\
горкі плач і літанні людзей.\\
\\
Па шырокіх прасторах раздольных\\
беларускіх лугоў і палёў\\
гаравалі грамады бяздольных\\
паднявольных калгасных рабоў.\\
\\
Час мінуў той. Цяпер будзе йначай.\\
Досыць крыўды нясці на гарбе!\\
Я цяпер не такую прадбачу,\\
дарагая Радзіма, Цябе.\\
\\
Веру: нашы палеткі расквеціць\\
залаты ураджай каласся,\\
і пяшчотнае сонца засвеціць\\
на руінах старога жыцця.\\
\\
1942

 


===== Падобныя старонкі =====
  * [[творы/алесь-салавей/алесь-салавей-лясы-узгоркі-паплавы]]
  * [[творы/алесь-салавей/алесь-салавей-спі]]
  * [[творы/алесь-салавей/алесь-салавей-пад-шэлесты-лісця]]
  * [[творы/алесь-салавей/там-на-пякельным-таку-дзе-цапамі-малоцяц]]
  * [[постаці/алесь-салавей]]