~~META:
title = Алесь Разанаў — Хлеб
&keywords = хлеб
&abstract = Чытаць вершаказ "Хлеб" Алеся Разанава
&iftrue = nan
~~

====== Алесь Разанаў — Хлеб ======
Хлеб святы, хлеб вялебны, і ўсё, што спалучана з ім, што «злеплена» з ім, адбываецца як абрад, як набажэнства, як малебен.\\
Хлеб хвалебны: яго шануюць і хваляць усе плямёны — і дулебы, і вялеты, і лахвічы.\\
Хлеб лепшы: з усіх страў, з усіх наедкаў, у ім — жыццё (ці на іншай мове — Leben).\\
Ён есца, смокчацца, грызецца, «хлябаецца» і генетычна памятае свой радавод, сваю бацькаўшчыну — глебу.\\
На выгляд хлеб чорны, але па сваёй сутнасці белы.

 


===== Падобныя старонкі =====
  * [[ibdc.ped>хлеб-для-партызанаў]]
  * [[ibdc.ped>вытаптаны-хлеб]]
  * [[творы/янка-брыль/янка-брыль-сірочы-хлеб]]
  * [[ibdc.ped>хлеб]]
  * [[ibdc.ped>хлеб-3612]]