~~META:
title = Алесь Разанаў — Рагнеда
&keywords = Разанаў, Рагнеда
&abstract = Чытаць верш Алеся Разанава "Рагнеда"
&iftrue = nan
~~

====== Алесь Разанаў — Рагнеда ======
Адсылаюцца сваты —\\
рэй пусты...\\
Трубу абрыне\\
не абраны, не святы:\\
для рабыніча — рабыні.\\
\\
Як страла трымціць —\\
прыспеў...\\
Курны дым — як сцелюць воўну...\\
Налучыўся неспадзеў\\
карны выкуп за князёўну.\\
\\
Слынна\\
ў варварскія дні\\
выкшталцоўвалася крэда:\\
пры вачах шчытной радні\\
абняслаўлена Рагнеда.\\
\\
Уладзімір, уладар,\\
праз вякі крычыць здарэнне,\\
праз вякі гудзе пажар:\\
чад і слёзы — парадненне.\\
\\
Ад радзіны анідзе —\\
парадненне —\\
анікога.\\
Праз вякі на збой ідзе —\\
тлен і парасткі —\\
дарога.\\
\\
Цесны церам,\\
змор звініць,\\
зазвініць душа-вярэда...\\
Прыпадзе каханка ніц...\\
Занясе лязо Рагнеда,\\
не за волю і дабро —\\
за няволю і змірэнне...\\
О, рабыннае таўро —\\
з пераможцам парадненне.\\
\\
Неназванаю была,\\
неназванай засталася —\\
знак святлейшага гала\\
пад хусцінаю Настассі.\\
\\
На зняверанай вярсце\\
адрачонымі начамі\\
прыадчыніцца:\\
расце\\
сын — вачамі палачанін.\\
\\
Адраджэнне:\\
заснуе...\\
адрадненне:\\
верне краю\\
род упарты —\\
ўсе свае...\\
Род адступнікаў карае.\\
\\
А пакуль, князь,\\
а ці знаў —\\
ты не сам тут...\\
Як закляцце — прыўзнімае Ізяслаў\\
меч,\\
атрыманы ад маці.

 


===== Падобныя старонкі =====
  * [[творы/алесь-разанаў/алесь-разанаў-радзіма]]
  * [[творы/алесь-разанаў/алесь-разанаў-арышт-кастуся-каліноўскага]]
  * [[творы/алесь-разанаў/алесь-разанаў-вецер]]
  * [[творы/алесь-разанаў/творчасць-алеся-разанава]]
  * [[творы/алесь-разанаў/алесь-разанаў-горад]]