~~META:
title = Алесь Разанаў — Зброя
&keywords = зброя
&abstract = Чытаць версэт "Зброя" Алеся Разанава
&iftrue = nan
~~

====== Алесь Разанаў — Зброя ======
Настае дзень, калі я бяру меч і бяру шчыт...\\
\\
Цяпер я ўзброены,\\
цяпер я здольны абараняцца і нападаць,\\
і тыя людзі, якія ўчора штурхалі мяне локцямі, цяпер пачціва вітаюць мяне.\\
\\
З цягам часу меч урастае ў маю правую руку, шчыт — у левую, і я адчуваю іх як сваё цела.\\
\\
Але... Але няўжо яны — гэта я, няўжо да самага скону я мушу рабіць тое, што раблю цяпер, — укладацца ў зброю?!.\\
\\
I гады паступова я пачынаю адымаць яе ад сябе — вызваляцца.\\
Не адзін тыдзень, пэўна, міне, перш чым гэта адбудзецца: надта шчыльна зраслася зброя з маім целам, з маёй сутнасцю.\\
\\
Аднак, перамогшы слабасць, я мушу перамагчы і сілу.

 


===== Падобныя старонкі =====
  * [[творы/алесь-разанаў/творчасць-алеся-разанава]]
  * [[творы/алесь-разанаў/алесь-разанаў-рагнеда]]
  * [[творы/алесь-разанаў/алесь-разанаў-вецер]]
  * [[творы/алесь-разанаў/алесь-разанаў-радзіма]]
  * [[творы/алесь-разанаў/алесь-разанаў-арышт-кастуся-каліноўскага]]