~~META:
title = Алесь Разанаў — Барана
&keywords = Разанаў, барана
&abstract = Чытаць вершаказ "Барана" Алеся Разанава
&iftrue = nan
~~

====== Алесь Разанаў — Барана ======
Барана — з бору: забраная адтуль, яна ўсё роўна не згаджаецца са сваёй абранай роляй і абараняецца рукамі і нагамі ад прымусовага абранніцтва.\\
Зацята, «па-барановаму», барана ўпарціцца руху: яе валакуць, пераадольваючы яе натуру, яе супраціўленне, але якраз дзякуючы гэтай упартасці і гэтаму супраціўленню робіцца работа.\\
Барана драпае, раніць, скародзіць, вя'рэдзіць, «бурыць» поле і такім чынам бароніць яго ад няўроду.\\
Усякае поле для бараны — поле барацьбы, поле «брані».

 


===== Падобныя старонкі =====
  * [[творы/алесь-разанаў/алесь-разанаў-арышт-кастуся-каліноўскага]]
  * [[творы/алесь-разанаў/алесь-разанаў-радзіма]]
  * [[творы/алесь-разанаў/алесь-разанаў-вецер]]
  * [[творы/алесь-разанаў/алесь-разанаў-рагнеда]]
  * [[творы/алесь-разанаў/творчасць-алеся-разанава]]