~~META:
title = Алесь Разанаў — Балада пратэсту
&keywords = пратэст
&abstract = Чытаць верш Алеся Разанава "Балада пратэсту"
&iftrue = nan
~~

====== Алесь Разанаў — Балада пратэсту ======
Каля Юр'ева

дол павораны —

каля Юр'ева\\
норы ворага...\\
Бор абрушаны б'е таранам —\\
курчы рыбіныя без ракі,\\
і пульсуюць кастры мембранна:\\
навастрыліся крыжакі.\\
Занавесаю:

эсты — нехрысты —

навісае злавесны змест.\\
Вячка Полацкі,\\
дзвінскім нерастам\\
сярод нератаў

твой пратэст.

\\
Шчыт тутэйшых

прад сутарэннем...

Светліць зорка тваю вяху:\\
замахнулася пакарэнне —\\
Вячка. Полацкі на шляху.\\
Па-за Юр'евам не працягі —\\
зеўраць чорныя рубяжы...\\
І цвярдзей,

як даюць прысягу, —

паміраючы, не чужы.\\
Непярэйдзены сэнс —\\
ні сведак,\\
ні надзей і раскол па сцяне —\\
на замах пераможны: гэтак!\\
Адгукнуцца крыштальным: не!..\\
Не зачэпяць:

на выезд віза —

нецярплівы капыт каня...\\
Ды нязгодна скразніць,

пранізваючы,

безназоўная глыбіня.\\
Уцалець ад ліхой навальніцы...\\
адступщца

ў жыццё і ад’езд...

белым светам наўзмах засланіцца... —\\
светлы позірк і смелы жэст —\\
у сваёй і чужой Айчыне\\
немагчымае быць нічыйным,\\
немагчымае\\
і пратэст.\\
Распрастаешся ты на доле —\\
па жыцці,

па бядзе,

па вайне...

Але ўкладзена неадольная,\\
Вячка Полацкі, сіла ў «не».

 


===== Падобныя старонкі =====
  * [[творы/алесь-разанаў/творчасць-алеся-разанава]]
  * [[творы/алесь-разанаў/алесь-разанаў-вецер]]
  * [[творы/алесь-разанаў/алесь-разанаў-рагнеда]]
  * [[творы/алесь-разанаў/алесь-разанаў-радзіма]]
  * [[творы/алесь-разанаў/алесь-разанаў-арышт-кастуся-каліноўскага]]