~~META:
title = Алесь Пісьмянкоў — 1986
&keywords = берагі, рэчанька, малочная, кісельныя
&abstract = Чытаць верш Алеся Пісьмянкова "1986"
&iftrue = nan
~~

====== Алесь Пісьмянкоў — 1986 ======
Берагі кісельныя,\\
Рэчанька малочная.

//З казак маленства//

\\
У раі панэльным,\\
Блочна-падаблочным,\\
Бераг сню кісельны,\\
Рэчаньку малочную.\\
Поле нетаптанае\\
Жаўруком агучана.\\
Я лаўлю Буланага,\\
Еду на заручыны.\\
З любаю абедаю\\
Над высокай кручаю.\\
Мы яшчэ не ведаем,\\
Што наш край атручаны.\\
Думы ў нас вясельныя,\\
Песні ў нас нязмрочныя...\\
Берагі кісельныя,\\
Рэчанька малочная.\\
\\
1987

\\
\\
Крыніца: Пісьмянкоў А. Я не памру, пакуль люблю: Выбранае. – Мн.: Маст. літ., 2000. – 319 с.

 


===== Падобныя старонкі =====
  * [[творы/мікола-мятліцкі/мікола-мятліцкі-санеты-чарнобыля]]
  * [[творы/максім-танк/максім-танк-самае-доўгае-расстанне]]
  * [[творы/пімен-панчанка/пімен-панчанка-аб-самым-смачным]]
  * [[творы/іншае/сучасная-літаратура-беларусі/тэма-чарнобыля-ў-беларускай-паэзіі]]
  * [[творы/артур-вольскі/артур-вольскі-боль-чарнобыля]]