~~META:
title = Алесь Пісьмянкоў — Спавядацца бяжым да прыроды...
&keywords = прырода
&abstract = Чытаць верш "Спавядацца бяжым да прыроды..." Алеся Пісьмянкова
&iftrue = nan
~~

====== Алесь Пісьмянкоў — Спавядацца бяжым да прыроды... ======
Спавядацца бяжым да прыроды,\\
Ачышчацца бяжым ад маны.\\
Мы апошнія з нашага роду,\\
Каму сняцца

вясковыя сны.

\\
Каго мучыць няўтольная смага\\
Па водару сонечных хат!\\
Мы з табой пералётныя птахі,\\
Якім

не вярнуцца назад.

\\
Нам паліць з успамінаў цяпельца,\\
Нам да скону ўспамінамі жыць:\\
Тым азерцам,

што плешчацца ў сэрцы,

Той рачулкай,

што з сэрца бяжыць...\\
\\


 


===== Падобныя старонкі =====
  * [[ibdc.ped>зімовы-начлег]]
  * [[ibdc.ped>крыштальны-звон-бяроз]]
  * [[ibdc.ped>чалавек-і-прырода]]
  * [[творы/якуб-колас/карціны-роднай-прыроды-ў-паэме-новая-зям]]
  * [[ibdc.ped>беражыце-прыроду]]