~~META:
title = Алесь Пісьмянкоў — Рабіна над вірам
&keywords = рабіна
&abstract = Чытаць верш Алеся Пісьмянква "Рабіна над вірам"
&iftrue = nan
~~

====== Алесь Пісьмянкоў — Рабіна над вірам ======
Малюнак знаёмы,\\
Балючы і шчыры:\\
Рабіна на строме,\\
Рабіна над вірам.\\
\\
Застыла ў здранцвенні\\
Ўдавою пакорнай\\
У яркім адзенні\\
Над безданню чорнай.\\
\\
Адкуль столькі гора\\
У бабіным леце,\\
З сівога фальклору\\
Ці з новых трагедый?\\
\\
У стылым блакіце\\
Зноў журыцца вырай...\\
Спыніце, спыніце\\
Рабіну над вірам!

 


===== Падобныя старонкі =====
  * [[ibdc.ped>прыгажуня-рабіна]]
  * [[творы/рыгор-ігнаценка/рыгор-ігнаценка-пасадзіце-рабінку]]
  * [[ibdc.ped>рабіна-4869]]
  * [[ibdc.ped>рабінка]]
  * [[творы/яўген-крупенька/яўген-крупенька-рабінка]]