~~META:
title = Алесь Пісьмянкоў — Продкі
&keywords = Пісьмянкоў, продкі
&abstract = Чытаць верш Алеся Пісьмянкова "Продкі"
&iftrue = nan
~~

====== Алесь Пісьмянкоў — Продкі ======
Калі марнею ад нягод\\
І сэрцу цесна,\\
Я ўспамінаю радавод\\
І продкаў песні.\\
\\
Яны ідуць за годам год\\
З мячом і плугам.\\
О, мой нязводны род,\\
Ён моцны духам!\\
\\
Імёны памяць берагла.\\
Вяла праз церні,\\
Каб я не сеяў зла,\\
А толькі – зерне.\\
\\
Да іх іду я зноў і зноў,\\
Ім веру свята.\\
Таму й вяду сваіх сыноў\\
Да іх на раду.

 


===== Падобныя старонкі =====
  * [[ibdc.ped>геніяльны-продак]]
  * [[творы/алесь-пісьмянкоў/алесь-пісьмянкоў-роднае]]
  * [[творы/алесь-пісьмянкоў/алесь-пісьмянкоў-балада-роду]]
  * [[творы/алесь-пісьмянкоў/алесь-пісьмянкоў-мы-беларусы]]
  * [[творы/еўдакія-лось/еўдакія-лось-продкі]]