~~META:
title = Алесь Пісьмянкоў — О, як мне доўга трэба жыць...
&keywords = жыві
&abstract = Верш Алеся Пісьмянкова "О, як мне доўга трэба жыць..."
&iftrue = nan
~~

====== Алесь Пісьмянкоў — О, як мне доўга трэба жыць... ======
О, як мне доўга трэба жыць,\\
Каб аддаць табе адплату\\
За ўсе густыя снегапады,\\
За ўсе духмяныя дажджы.\\
За рэчак быстрых сіняву\\
І за дубоў зялёных веча.\\
За кожны дзень, за кожны вечар,\\
За тое шчасце, што жыву.\\
\\
Мая маленькая зямля –\\
Ўся ў палыне і медуніцы.\\
З тваіх крыніц мне не напіцца,\\
Хоць буду піць і спакваля.\\
Жыві ж, жыві! Плыві між зор!\\
І чуюць хай на ўсіх планетах,\\
Як пахнуць кветкі і ранеты\\
У нашых вёсках ля азёр.

 


===== Падобныя старонкі =====
  * [[творы/алесь-пісьмянкоў/алесь-пісьмянкоў-балада-роду]]
  * [[творы/алесь-пісьмянкоў/алесь-пісьмянкоў-спавядацца-бяжым-да-пры]]
  * [[творы/алесь-пісьмянкоў/алесь-пісьмянкоў-продкі]]
  * [[творы/алесь-пісьмянкоў/алесь-пісьмянкоў-вяртанне]]
  * [[творы/алесь-пісьмянкоў/алесь-пісьмянкоў-роднае]]