~~META:
title = Алесь Пісьмянкоў — Нішто душу мне так не лечыць...
&keywords = род, душу, лечыць
&abstract = Верш Алеся Пісьмянкова "Нішто душу мне так не лечыць..."
&iftrue = nan
~~

====== Алесь Пісьмянкоў — Нішто душу мне так не лечыць... ======
Нішто душу мне так не лечыць,\\
Як стрэча гэтая з сялом,\\
Калі наш род шыракаплечы\\
Збярэцца разам за сталом.\\
Жытнёвы род не фарысеіў –\\
Ён жыў на свеце недарма:\\
Зямлю

араў,

І жыта

сеяў,

І ў рукапашных

паміраў.

Вайною біты –

не забіты,

Пускаў глыбока карані,\\
Каб зноў пасеяць жыта –\\
Жыццё ад смерці засланіць.

 


===== Падобныя старонкі =====
  * [[творы/алесь-пісьмянкоў/алесь-пісьмянкоў-продкі]]
  * [[творы/алесь-пісьмянкоў/алесь-пісьмянкоў-балада-роду]]
  * [[творы/алесь-пісьмянкоў/алесь-пісьмянкоў-роднае]]
  * [[творы/алесь-пісьмянкоў/алесь-пісьмянкоў-спавядацца-бяжым-да-пры]]
  * [[творы/алесь-пісьмянкоў/алесь-пісьмянкоў-вяртанне]]